منتدى التوعية الاسلامية بمدرسة ابن كثير
أهلا زائرنا الكريم نتشرف بزيارتك
ونتمنى تسجيلك معنا
شعارنا:
(نلتقي لنرتقي)
المدير العام والمنشئ للمنتدى:عبد الغفار فودة

(( قصة طريـفة و واقعيـة ))

اذهب الى الأسفل

(( قصة طريـفة و واقعيـة ))

مُساهمة من طرف خالد عبدالحكيم في الأحد 11 أبريل 2010, 1:20 am

مريض بالمستشفى كل ما يطلع أحد من عنده يـضحك


(( قصة طريـفة و واقعيـة ))
جلس ذلك الرجل على السرير الأبيض ... في إحدى المستشفيات في بلدنا الحبيب .
وكان كل جسمه شاش ورجليه كلها جبس
وما تسمع إلا الآهات
ماغير يحن ويون من الأوجاع اللي فيه
عاد أنا قلت يمكن إنه مسوي حادث قوي
أو إنه محترق أو أو أو ... إلخ
المهم جت الساعه 4 العصر
وبدأ وقت الزياره
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفه ؟
وعلى هالحال كل من جاء وسلم عليه ما تسمع إلا ضحكهم من وراء الستاير
أنا قلت لازم أعرف وش السالفه ...
انتهى وقت الزيارة
وأروح له على طول !
وأدعو له وأقوله الحمد لله على السلامه
عسى ماشر ومن هالكلام
وأنا كل همي أعرف ليش يضحكون ؟
المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
قال لي : ههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه والله لو عندك مليون كان يمكن أحسدك !
بس إضحكوا عادي خذوا راحتكم بس بغيت أعرف السر يعني ؟
إذا ما عندك مانع .
قال لي : طيـب ولا يهمك ... أنت مثل ما تشوفني مكسر ومربط بالشاش .
قلت له : أيـوه والله ... الله يشفيك .
قال لي : يا طويل العمر أنا ساكن في شقه في الدور الثاني ، وعندي بلكونه مامن زيـنها ،
وإذا نمت فتحت باب البلكونه وطفيـت النور وتسدحت على السرير .
ويوم نمت على السرير . وغصت في أعماق أعماق نومي ،
حلمت إني في يوم القيامه ! وحلمت مثل ما تقول إن الناس في مكان مثل موقف الباصات
وفيه باصات رايحه للجنة وباصات رايحه للنار !!!
المهم الجماعه ينادون بالأسامي .. فلان بن فلانه باص النار ... فلان بن فلانه باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه .. أوووه الحمد لله أرتحت .
ومشيـت أدور على الباص اللي مكتوب عليه إلى الجنه ... وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه 50 كيلو )) ، (( النار 100 كيلو ))
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجال وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل عالسواق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنه .. وليـش توديني النار يا وجه النحس ؟!
وألتفت لي ... طلع هو إبليس !!!
الله يلعنك . أنا من أهل الجنه .. يا ملعون لا توديني النار .. أنا من أهل الجنه .
والله العظيم إني من أهل الجنه ، بس من شوي قايلين إسمي ، وقف يا ملعون ، وقف يا ملعون .
وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
قلت له : يا ملعون وقف !!! أبي أنزل !!!
قال : والله الباص هذا مبرمج على إنه ما يوقف إلا في النار ... تبي تنزل إقفز منه .
وركضت على الباب وفتحته .. وهوووب
ولا وعيت إلا في المستشفى ... قافز من البلكونه ... في الحوش !


القصة حقيقيه ... وحصلت لواحد كان منوم في مستشفى المجمعة العام
دخيلكم لا أحد يحلم تعوذوا من إبليس قبل تنامون

استغفر الله اللهم لاشماته بس من جد شي يضحك
avatar
خالد عبدالحكيم
المدير العام
المدير العام

مزاجي مزاجي :
mms
عدد المساهمات : 73
نقاط : 717
تاريخ التسجيل : 02/04/2010
العمر : 22
المزاج مــــعــــــصِّــــــــــــب

الرجوع الى أعلى الصفحة اذهب الى الأسفل

رد: (( قصة طريـفة و واقعيـة ))

مُساهمة من طرف طراد اللحياني في الأحد 11 أبريل 2010, 2:46 am

مشكوررررررر
avatar
طراد اللحياني
عضو نشيط
عضو نشيط

عدد المساهمات : 45
نقاط : 51
تاريخ التسجيل : 10/04/2010

الرجوع الى أعلى الصفحة اذهب الى الأسفل

رد: (( قصة طريـفة و واقعيـة ))

مُساهمة من طرف عازف الكيبورد في الأحد 11 أبريل 2010, 10:42 pm

موضوع جميل

عازف الكيبورد
عضو نشيط
عضو نشيط

عدد المساهمات : 46
نقاط : 50
تاريخ التسجيل : 10/04/2010
الموقع : في قلب مدرسة ابن كثير
المزاج زعلان

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى