قصيـــدة عن كآرثة آلريــآض (( حــزن آلــريـآض ))

من طرف عزام الهذلي الأربعاء 19 مايو 2010, 3:59 am

نبني من الحلم (حلم) ونرجع نهدّه
ونصبح على احلامنا ونقول : ياهادي

مليّنا الاحلام , والواقع وصل حده
غادين , والصدق مثل اصواتنا غادي

يارب رحمتك وش صاير بهالمده!!
وشلون صرنا نشوف ان الغرق عادي

ماجفّت دموعنا في موت اهل جده
واليوم " حزن الرياض " فـ وجهها بادي

صرنا نخاف المطر .. ونعد له عده
نخشى من الخير كنّا نسكن بـ وادي

في كل شارع غرق وبيوت منهده
واجساد مابين حي وميّت .. تنادي

من اللي نوقف معه واللي نقف ضده!
ضعنا ماندري من نحب , ومن نعادي

غشى الرياض امس مثل اللي غشى جده
يارب .. مدري وش اللي يصير فـ بلادي !!

من طرف mxm الجمعة 11 يونيو 2010, 10:20 pm

يعطيكـــ ألف عافية

سلمت يمناك

قصيـــدة عن كآرثة آلريــآض (( حــزن آلــريـآض ))

قصيـــدة عن كآرثة آلريــآض (( حــزن آلــريـآض ))

رد: قصيـــدة عن كآرثة آلريــآض (( حــزن آلــريـآض ))